Notice: Function _load_textdomain_just_in_time was called incorrectly. Translation loading for the wordpress-seo domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/zarayeco/public_html/wp-includes/functions.php on line 6114
سندھ پولیس کی درخواست پر پیمرا نے سی سی ٹی وی فوٹیج دکھانے پر پابندی لگادی |

سندھ پولیس کی درخواست پر پیمرا نے سی سی ٹی وی فوٹیج دکھانے پر پابندی لگادی

پاکستان میڈیا ریگولیٹری اتھارٹی (پیمرا) کی جانب سے سندھ پولیس کی درخواست پر ٹی وی چینلز پر سی سی ٹی وی فوٹیج دکھانے پر پابندی عائد کردی گئی ہے۔

کراچی یونین آف جرنلسٹس نے پیمرا کی جانب سے ٹی وی چینلز کو جاری نئی ہدایت پر تشویش کا اظہار کیا ہے جس میں ٹی وی چینلز کو سی سی ٹی وی فوٹیجز ایئر کرنے سے روکا گیا ہے۔

کراچی یونین آف جرنلسٹس کے صدر فہیم صدیقی اور جنرل سیکریٹری لیاقت علی رانا سمیت مجلس عاملہ کے تمام اراکین کی جانب سے جاری ایک بیان میں کہا گیا ہے کہ سندھ پولیس کے رابطہ کرنے پر پیمرا کا ایسی ہدایات جاری کرنا آزادی اظہار رائے اور آزادی صحافت پر قدغن لگانے کے مترادف ہے۔

 پیمرا کا نیا حکم نامہ آئین کے آرٹیکل 19 اور 19 اے کی سنگین خلاف ورزی ہے جو آزادی اظہار رائے اور آزادی صحافت کی ضمانت دیتا ہے۔بیان میں سپریم کورٹ کے سید منصور احسن برخلاف اردشیر کاؤس جی کیس کے فیصلے کا حوالہ دیتے ہوئے کہا گیا ہے کہ سپریم کورٹ نے اپنے اس فیصلے میں آزادی اظہار رائے کے بنیادی حق کے تحفظ کی اہمیت کو واضح کیا ہے اور اسے شخصی آزادی کا ایک ستون قرار دیا ہے۔

اعلامیے میں کہا گیا ہے کہ 3 نومبر 2020 کو اسلام آباد ہائیکورٹ نے بھی اپنے ایک فیصلے میں سپریم کورٹ کے اسی فیصلے کا حوالہ دیا اور قرار دیا کہ آزادی اظہار رائے یا آزادی صحافت کو روکنا یا اسے محدود کرنا ناقابل قبول ہے اور ملک میں آزادی صحافت اور آزادی اظہار رائے سے ہی آئین میں موجود دیگر بنیادی حقوق کی ضمانت ملتی ہے لیکن پیمرا کا نیا حکم سندھ پولیس کو ایک نئی مقدس گائے بنانے کی کوشش ہے جو صوبے خاص طور پر کراچی میں اسٹریٹ کرائم سمیت جرائم کی سنگین وارداتوں کو روکنے میں ناکام ہے اور پولیس کی یہ ناکامی ٹی وی چینلز پر کرائم کی سی سی ٹی وی فوٹیجز آن ایئر ہونے سے زیادہ واضح نظر آتی ہے۔

بیان میں کہا گیا ہے کہ میڈیا کا کام ہی نشاندہی کرنا ہے لیکن پیمرا کا نیا حکم نامہ واضح طور پر ریاست کے چوتھے ستون کے کام میں رکاوٹ ڈالنے کے مترادف ہے بیان میں سندھ پولیس اور  پیمرا کو یاد دلایا گیا کہ کچھ عرصے پہلے تک یہی پولیس مختلف جرائم کی سی سی ٹی وی فوٹیجز ٹی وی چینلز پر آن ایئر کراکر عوام سے مدد کی اپیل کرتی رہی ہے۔