کراچی :ترجمان واٹر کارپوریشن کے مطابق دھابیجی پمپنگ اسٹیشن پر کے الیکٹرک کی جانب سے 2023.24 کے سالانہ مینٹیننس کام کے باعث 21 نومبر کو دھابیجی پمپنگ اسٹیشن کے مختلف فیڈر پر بجلی کی سپلائی جزوی طور پر بند رہے گی۔
اعلامیہ میں بتایا گیا کہ مینٹیننس کام 21 نومبر کی صبح 9 بجے سے رات 9 بجے تک جاری رہے گا، شٹ ڈان کا دورانیہ مجموعی طور پر 12 گھنٹے ہوگا، کے الیکٹرک کی جانب سے ہونے والے مینٹیننس کام کے باعث شہر کو مجموعی طور پر 165 ایم جی ڈی پانی کی کمی کا سامنا ہوگا۔
اس ضمن میں ترجمان واٹر کارپوریشن نے شہریوں سے درخواست کرتے ہوئے کہا کہ وہ پانی کا ذخیرہ کریں اور اسے احتیاط سے استعمال کریں تاکہ کسی بھی پریشانی سے بچا جا سکے۔
