مہاجر قومی موومنٹ (ایم کیو ایم حقیقی) کے چیئرمین کو ساتھی سمیت ایم کیو ایم پاکستان میں شمولیت کی دعوت دے دی گئی ہے۔
کراچی میں انتخابات قریب آتے ہی سیاسی موسم گرم ہوگیا جبکہ سیاسی کارکنان اور رہنماؤں کو جماعتوں کی جانب سے شمولیتوں کی دعوتیں دی جانے لگیں۔
ایم کیو ایم پاکستان کے سینئر ڈپٹی کنونیئر ڈاکٹر فاروق ستار نے مہاجر قومی موومنٹ کے سربراہ آفاق احمد کو متحدہ پاکستان میں شمولیت کی دعوت دے دی اور ملکر جدوجہد کرنے کا مشورہ بھی دیا۔
اس کے علاوہ فاروق ستار نے دیگر اہم سیاسی شخصیات کو بھی ایم کیو ایم پاکستان میں شمولیت کی دعوت دی۔
قبل ازیں ایم کیو ایم پاکستان ملیر ٹاؤن کی جاری الیکشن دفتر کی تقریب میں مہاجر قومی موومنٹ کے کارکنان و ذمہ داران کی متحدہ میں شمولیت اختیار کی۔
مہاجر قومی موومنٹ کے کارکنان و ذمہداران نے ملیر میں سینیئر ڈپٹی کنوینر ڈاکٹر فاروق ستار کے ساتھ شمولیت کا اعلان کیا۔
