شہر قائد کے علاقے کورنگی میں پولیس نے کارروائی کر کے کورنگی پریس کلب کے صدر اوشاق میرانی کو گرفتار کرلیا۔
اطلاعات کے مطابق کورنگی پریس کلب کے صدر اوشاق میرانی پر ڈکیتوں کی سرپرستی کرنے اور پلاٹوں پر قبضے اور دھمکیاں دینے کے الزامات تھے جن پر مقدمہ درج کر کے انہیں باقاعدہ گرفتار کیا گیا۔
اس حوالے سے جب کورنگی صنعتی ایریا پولیس سے رابطہ کیا گیا تو انہوں نے گرفتاری کی تصدیق کردی اور بتایا کہ اب قانون کے مطابق کارروائی عمل میں لائی جائے گی۔
اُدھر پریس کلب صدر کے مخالف دھڑے نے گرفتاری پر خوشی کا اظہار کرتے ہوئے ایس ایس پی، ڈی ایس پی کورنگی اور ایس ایچ او کی کارکردگی پر اطمینان کا اظہار کیا۔
عارف کمال کا کہنا تھا کہ گرفتاری کے بعد کورنگی کی صحافی سے مبینہ بلیک میلنگ اور بھتہ خوری کا خاتمہ ہوگیا۔
