مردم شماری شفاف اور وڈیروں کی مداخلت سے پاک ہونی چاہئے: فاروق ستار

تقریب تو تھی محفل میلاد کی لیکن مخالفین کی چھیڑ چھاڑ پر کیسے چپ رہتے فاروق ستار، خطاب میں فل سیاسی موڈ میں نظر آئے اور پی ایس پی کے جلسے کو جلسی قرار دے دیا۔

کراچی: (دنیا نیوز) باغی گروپ کی للکار پر فاروق ستار نے بھی طنز سے بھرپور جوابی وار کر ڈالا۔ تبت سینٹر جلسے کو جلسی قرار دے دیا، کہتے ہیں پی ایس پی کا جلسہ نہیں جلسی تھی، تنگ سڑک پر بھی اتنے سے لوگ لائے گئے۔

فاروق ستار نے مطالبہ کیا کہ مردم شماری شفاف ہونے کے ساتھ ساتھ وڈیروں کی مداخلت سے بھی پاک ہونی چاہئے۔ انہوں نے کہا کہ سینسس کمیشن وڈیروں سے ملا ہوا ہے، مردم شماری سے پہلے دھاندلی کو روکنا ہو گا، حیدرآباد، سکھر اور دیگر شہروں کے عوام سے زیادتی نہیں ہونی چاہئے۔

متحدہ پاکستان کے سربراہ کا کہنا تھا کہ وہ نظام اسلامی نہیں ہو سکتا جو بھائی بھائی میں تفریق کرے۔

بشکریہ دنیا نیوز

اپنا تبصرہ بھیجیں:

اپنا تبصرہ بھیجیں