لاہور: لشکر طیبہ اور جماعۃ الدعوۃ پاکستان کے امیر پروفیسر حافظ محمد سعید نے کہا ہے کہ انتخابات میں فتح حاصل کرنے کے بعد پاکستان کو بیرونی طاقتوں کے دباؤ سے آزاد کروائیں گے۔
جلسہ عام سے خطاب کرتے ہوئے اُن کا کہنا تھا کہ پاکستان کو خوشحال ملک بنانے کا پروگرام لے کر میدان میں آئے ہیں، بیرونی طاقتوں کے دباؤ سے پاکستان کو آزاد کروائیں گے، دنیا نے کرپشن لوٹ مار کی سیاست دیکھی اب انہیں خدمت انسانیت کی سیاست دکھائیں گے اور لوٹی ہوئی دولت واپس لاکر قرضے ادا کرنے چاہئیں۔
حافظ سعید کا کہنا تھا کہ سابق حکمرانوں نے اپنی تجوریاں اور خزانے بھرنے کیلئے قومی پیسے میں ہیر پیر اور لوٹ مار کی ، نوجوانوں کو خدمت خلق کے کاموں میں لگا کر ایک فلاحی معاشرے میں تبدیل کریں گے ایک ایسا پاکستان بنانا چاہتے ہیں جہاں اقلیتوں کے حقوق کا تحفظ کیا جائے اور انہیں اپنے مذہب پر عمل کرنے کی مکمل آزادی ہو۔
امیر جماعت الدعوۃ کا کہان تھا کہ فرقہ واریت ، لسانیت اور صوبائیت کی بنیاد پر نفرتوں کو ختم کرکے لوگوں کو ایک مضبوط اور توانا پاکستان دیں گے ،عوام 25 جولائی کو انتخابی نشان کرسی پر مہر لگا روایتی سیاستدانوں کو مسترد کردیں۔
خبر کو عام عوام تک پہنچانے میں ہمارا ساتھ دیں، صارفین کے کمنٹس سے ادارے کا کوئی تعلق نہیں ہے۔
