سپر اسٹارز فواد خان اور ماہرہ خان نے فلم ہمسفر ڈرامے کے بعد پہلی بار ’دی لیجنڈ آف مولاجٹ‘ کے سیٹ پر مداحوں کو سرپرائز دے دیا۔
یوں تو ماہرہ اور فواد ایک ساتھ کئی تقاریب میں ایک ساتھ شرکت کرتے دکھائی دیے ہیں لیکن دونوں ایک ساتھ سیلفی لیتے ہوئے کبھی نہیں دیکھے گئے لیکن اس بار اداکارہ نے فواد کے ساتھ سیلفی لی جسے اپنے مداحوں کے نام کیا۔
اداکارہ نے ٹوئٹر پر سیلفی پوسٹ کرتے ہوئے لکھا کہ ’ہم سیلفی لے رہے ہیں، لیکن یہ والی خاص طور پر آپ سب کے لیے ہے‘۔
دونوں اداکاروں نے شیخوپورہ کے تاریخی مقام ہرن مینار پر سیلفی لی جہاں ’دی لیجنڈ آف مولا جٹ‘ کی عکس بندی کی گئی ہے۔
سپر اسٹارز کی سیلفی ٹریٹ کو جہاں مداحوں میں خوب پسند کیا جارہا ہے وہیں فلم کی معاون ہدایت کارہ عمارہ حکمت نے حیرانی کا اظہار کیا ہے۔
انہوں نے دونوں کی سیلفی کو شیئر کرتے ہوئے لکھا کہ ’میں نہیں مان سکتی کہ ان دونوں نے کبھی ایک ساتھ سیلفی نہیں لی ‘۔
