گڑھی خدا بخش: پیپلزپارٹی کے شریک چیئرمین اور سابق صدر آصف علی زرداری نے حکومت کے خلاف مزاحمتی تحریک شروع کرنے کا اعلان کردیا۔
ذوالفقار علی بھٹو کی برسی میں خطاب کرتے ہوئے زرداری کا کہنا تھا کہ اب وقت آگیا ہے کہ ہم اسلام آباد پہنچ کر ان کو ایوانوں سے باہر نکالیں۔ انہوں نے حکومتی کارکردگی پر تنقید کرتے ہوئے کہا کہ ’میں چاہے باہر ہوں یا جیل میں، پیپلزپارٹی انہیں ضرور باہر نکالے گی‘۔
دوسری جانب بلاول بھٹو نے بھی حکومت کو دھمکی دیتے ہوئے کہا ہے کہ اگر اٹھارویں ترمیم میں چھیڑ چھاڑ کی کوشش کی گئی تو میں لات مار کر حکومت کو ختم کردوں گا۔ انہوں نے بھی حکومت پر شدید تنقید کی
علاوہ ازیں پی پی سندھ حکومت کے ترجمان مرتضی وہاب نے سماجی رابطے کی ویب سائٹ پر بتایا کہ 12 اپریل کو سندھ اور پنجاب کی سرحد پر بلاول بھٹو جلسے سے خطاب کریں گے۔
سیاسی مبصرین کے مطابق آصف علی زرداری کو اپنی گرفتاری کا خوف ہے جس کی وجہ سے انہوں نے مزاحمتی تحریک شروع کرنے کا عندیہ دیا۔
دوسری جانب مولانا فضل الرحمان پہلے ہی اسلام آباد لاک ڈاؤن کا عندیہ دے چکے ہیں انہوں نے گزشتہ دنوں اعلان کیا تھاکہ کسی بھی وقت کارکنان کو اسلام آباد میں جمع ہونے کی کال دیں گے اور ایوانوں سے باہر نکال کے پھینک دیں گے۔
