کراچی میں‌ قدرتی آفت، ’’مٹی کے طوفان‘‘ سے 4 جاں بحق، متعدد زخمی

کراچی میں گزشتہ رات سے شروع ہونے والا گرد ’’مٹی کے طوفان‘‘ کی شدت کم نہ ہوئی، ہوا کی شدت اور تیزی کی وجہ سے مختلف واقعات بھی پیش آئے جس کے باعث 5 طالب علموں سمیت متعدد شہری زخمی ہوئے۔

گلستان جوہر میں بل بورڈ گرا جس سے کوئی جانی نقصان نہیں ہوا البتہ ایوسینا اسکول کی چھت تیز ہوا کی شدت برداشت نہ کرسکیں اور گرگئیں، اس دوران کلاش جاری تھی جس کے باعث پانچ طالب علم زخمی ہوئے جنہیں اسپتال منتقل کردیا گیا۔

بجلی کے تار اور کھمبے سمیت درخت اکھڑنے کے واقعات بھی پیش آئے جس میں پرندے بھی جان سے گئے۔ سوشل میڈیا صارفین نے ویڈیوز اور تصاویر شیئر کیں اُن میں سے چند منتخب کردہ آپ کی نظر ہیں۔ شہر قائد کے باسی ایک ہیجانی کیفیت میں بھی مبتلا ہیں کیونکہ تھوڑی سی بارش یا قدرتی آفت کراچی کے نظام کو درہم برہم کرسکتی ہے۔