پیپلزپارٹی کی رکن قومی اسمبلی شہلا رضا نے متنازع بیان پر معافی مانگتے ہوئے کہا ہے کہ اُن کا تمام خلفائے راشدین پر مکمل ایمان ہے۔
شہلا رضا نے اپنے ویڈیو بیان میں کہا کہ پروگرام ختم ہونے کی وجہ سے ناظرین تک مکمل پیغام نہیں پہنچ سکا، میں ایسا کچھ نہیں کہنا چاہ رہی تھی جیسا اُسے پیش کیا جارہا ہے۔
شہلا رضا نے اپنے بیان میں کہا کہ : ’ جیو نیوز پر ایک پروگرام کیا وہ جس طرز پر ہورہا تھا ، اُس میں جو میں نے کہا اور جو پروگرام ختم ہونے کی وجہ سے نہیں کہہ سکی اُس پر جن لوگوں کی دل آزاری ہوئی میں اُن سب سے معذرت خواہ ہوں‘۔
’میں تمام خلفاء پر یقین رکھتی ہوں اور سمجھتی ہوں ، بعد از خدا قصہ مختصر رسول اللہ ہیں اور اسلام کے لیے جس جس نے کام کیا وہ سب میرے لیے قابل احترام ہیں، میرا اتنا قد نہیں ہے کہ اُن پر تنقید کے بارے میں سوچ بھی لوں، آج بھی جو لوگ اسلام کی سربلندی کے لیے کام کررہے ہیں میں اُن کے آگے کچھ بھی نہیں ہوں‘۔
— Syeda Shehla Raza (@SyedaShehlaRaza) April 26, 2019
شہلا رضا کا کہنا تھا کہ ’میں یہ سمجھتی ہوں میری اس معذرت کو قبول کیا جائے اور جو میری بات کا مقصد تھا ہی نہیں اُس کو ویسے نہ لیا جائے جیسے پیش کیا جارہا ہے‘۔
https://zaraye.com/remove-shehla-raza-trend-on-twitter/
