وادی تیرہ: وزیراعظم عمران خان نے مہمند ڈیم کے منصوبے کا سنگِ بنیاد رکھ دیا، تقریب میں سابق چیف جسٹس ثاقب نثار اور آرمی چیف آف اسٹاف جنرل قمر جاوید باجوہ نے بھی شرکت کی۔
مہمند ڈیم کے ہائیڈرو پاور پراجیکٹ منصوبے سے یومیہ 800 اورسالانہ 2 ہزار 862 میگاواٹ بجلی پیداہوگی، چیئرمین واپڈا، خیبر پختونخوا کے حکام اور دیگر اعلیٰ افسر بھی تقریب میں موجود تھے۔ ضلع مہمند میں اہم شخصیات کی آمد کے باعث سکیورٹی ہائی الرٹ کر دی گئی۔
افتتاحی تقریب کے موقع پر سوہانا اور دلفریب موسم بھی حاضرین کی توجہ کا مرکز رہا اور عمران خان نے چھتری تھامنے والے اہلکار کو منع کر کے ویسے ہی پیدل چلنا شروع کیا۔
تقریب سے خطاب کرتے ہوئے وزیراعظم کا کہنا تھا کہ ’’ وادیِ تیرہ ایسا علاقہ ہے جہاں کے لوگوں کو انگریز سامراج بھی شکست نہ دے سکا، یہ وہ واحد علاقہ ہے جہاں کبھی انگریز کی حکومت قائم نہیں ہوئی‘‘۔
اس موقع پر سابق چیف جسٹس نے بھی خطاب کیا اور کہا کہ ’’ ڈیم کی آگاہی دے کر میں نے کوئی احسان نہیں کیا بلکہ اپنا فرض ادا کیا، اگر ایسا نہ ہوتا تو پانی کی شدید قلت پیدا ہونے کا خدشہ تھا ‘‘ ۔
ڈیم سے یومیہ 800 اورسالانہ 2 ہزار 862 میگاواٹ بجلی پیداہوگی ،مہمندڈیم 3 ارب ڈالرکی لاگت سے پانچ سال کی مدت میں2024 میں مکمل ہونے کاامکان ہے۔
ڈیم میں 12 لاکھ 93 ہزارایکڑفٹ پانی ذخیرہ کرنے کی گنجائش ہوگی جبکہ آبی ذخیرے سے ابتدامیں 16 ہزار 737 ایکڑرقبہ سیراب کیاجاسکے گا ،مہمندڈیم کی تعمیرسے سیلاب کے نقصانات پرقابوپانے میں بھی مددملے گی ۔
