اسلام آباد: وزارت داخلہ نے جماعت الدعوۃ، فلاح انسانیت اورجیش محمد سے معاونت کرنیوالی گیارہ تنظیموں پرپابندی عائد کردی۔
اعلامیے کے مطابق جن تنظیموں پرپابندی عائد کی گئی ہے ان میں الانفال ٹرسٹ، ادارہ خدمت خلق، الدعوۃ والارشاد،الفضل فاونڈیشن ٹرسٹ لاہور،الحمد ٹرسٹ فیصل آباد شامل ہیں۔
موسک اینڈ ویلفیئرٹرسٹ لاہو ر، المدینہ فاؤنڈیشن لاہور، معاذبن جبل ایجوکیشن ٹرسٹ لاہور، الایثارفاونڈیشن لاہوربھی پابندی کی زدمیں آگئے۔۔ الرحمت ٹرسٹ آرگنائزیشن بہاولپور،الفرقان ٹرسٹ کراچی پرپابندی عائد کردی گئی۔
یاد رہے کہ اس سے قبل وزارتِ داخلہ نے جماعت الدعوہ اور جیش محمد سمیت فلاحی تنظیم فلاح انسانیت فاؤنڈیشن کے مراکز کو سرکاری تحویل میں لے کر اس کا مکمل کنٹرول وفاقی وزارت اور قانون نافذ کرنے والے اداروں کے سپرد کردیا تھا۔ وزیراعظم کے ترجمان نے بھی اس بات کی تصدیق کی تھی کہ مدارس اور مساجد کا کنٹرول حکومت کے پاس ہے اور اب وہاں قانون نافذ کرنے والے ادارے تعینات ہوں گے۔
