اسلام آباد: وزارتِ داخلہ نے جماعت الدعوۃ کے سربراہ حافظ سعید کے برادر نسبتی کو گرفتار کر کے نامعلوم مقام پر منتقل کردیا۔
تفصیلات کے مطابق وزراتِ داخلہ اور پنجاب پولیس نے اہلحدہث مقرر اور عالم دینِ عبدالرحمان مکی کی گرفتاری کی تصدیق کرتے ہوئے بتایا کہ انہیں گوجرانوالہ سے حراست میں لیا گیا۔
ذرائع کے مطابق عبدالرحمان مکی پر سنگین الزامات ہیں جن کی تفصیل وزارتِ داخلہ کے حکام تاحال منظر عام پر نہیں لائے۔ عبدالرحمان مکی طویل عرصے سے جہادی تنظیم لشکر طیبہ سے وابستہ ہیں وہ بانی اراکین میں شامل اور افغان جنگ کے غازی ہیں۔
عبدالرحمان مکی کالعدم جماعت الدعوۃ کے سربراہ حافظ سعید کے برادر نسبتی ہیں۔ وہ کالعدم جماعت الدعوۃ کے نائب امیر ،سیاسی اور خارجہ امور کے نگران بھی ہیں۔
