کراچی: انسداد دہشت گردی کی عدالت میں دورانِ سماعت یہ انکشاف ہوا کہ نقیب اللہ کے والد کو نامعلوم نمبروں سے سنگین نتائج کی دھمکیاں دی جارہی ہیں۔
نقیب اللہ کے والد مبینہ طور پر دھمکیوں کے باعث عدالت میں پیش نہیں ہوئے جہاں انہوں نے راؤ انوار اور دیگر پولیس اہلکاروں کے خلاف بیان دینا تھا۔
انسداد دہشت گردی کی عدالت نے پولیس کو ہدایت کی کہ وہ نقیب اللہ کے والد کی سیکیورٹی کے لیے اقدامات کرے اور اُن کی حفاظت کو یقینی بنایا جائے۔
نقیب اللہ محسود کی اہلیہ مںظر عام پر آگئی، تہلکہ خیز انکشافات
خیال رہے کہ سابق ایس ایس پی ملیر راؤ انوار، اس وقت کے ڈی ایس پی قمر احمد شیخ اور دیگر 25 گرفتار اور فرار پولیس اہلکاروں پر نقیب اللہ اور دیگر 3 افراد کو اغوا کے بعد جعلی پولیس مقابلے میں قتل کرنے کا الزام ہے اور جعلی مقابلے کو چھپانے کے لیے مقتولین کا مبینہ تعلق داعش اور لشکر جھنگوئی سے بتایا گیا تھا اور ان کے پاس سے اسلحہ اور گولا بارود برآمد کرنے کا دعویٰ بھی کیا گیا تھا۔
