شمالی وزیرستان کے علاقے میں واقع خڑ کمڑ چیک پوسٹ پر پیش آنے والے واقعے کے بعد پی ٹی ایم نے خیبرپختونخواہ کے مختلف علاقوں میں دھرنا دیا۔ پشتون تحفظ موومنٹ کی رہنما اور کور کمیٹی کی رکن ثناء اعجاز نے بتایا کہ فیصلہ کُن دھرنے کا آغاز ہوگیا اور جب تک پانچ مطالبات پورے نہیں ہوتے تب تک ہم اپنا مظاہرہ ختم نہیں کریں گے۔
انہوں نے اپنے مطالبات کی فہرست پیش کرتے ہوئے بتایا کہ : ’’ علی وزیر سمیت تمام پی ٹی ایم کارکنان و ہمدردوں کی رہائی، شمالی وزیرستان میں کرفیو کا خاتمہ اور زخمیوں و ہلاک شدگان کی امداد، وزیرستان سے فوج کا انخلاء اور معاملات سول انتظامیہ کو سونپنا، سینیٹ اراکین کی تحقیقاتی کمیٹی بنانا جو خڑکمڑ واقعے کی آزدانہ تحقیقات کرے، شمالی وزیرستان میں دیے جانے والے دھرنے پر من وعن عمل کیا جائے‘‘۔
انقلابی نغموں پر پشاور احتجاجی دھرنے کا اغاز ہوا جن قبائیلیوں نے کشمیر سمیت پاکستان کے آزادی میں صف اول تھے۔
اب زندگی کے بنیادی حقوق سے محروم سڑکوں پر بیٹھے ہیں۔#PTMPeshawarSitIn pic.twitter.com/PJ5JIuyl9m— Human Rights (@Pashtunkhowa) May 29, 2019
بنوں اور کوئٹہ میں اس سے پہلے مظاہرے جاری تھے جبکہ پی ٹی ایم سماجی رابطے کی ویب سائٹ پر بھرپور طریقے سے واقعے کو اجاگر کررہی ہے کیونکہ نیشنل میڈیا پر اُن کے مؤقف کو آنے پر ایک غیر مرئی طاقت روک لیتی ہے۔
دھرنے کو کئی گھنٹے گزرے جس کے بعد جرگے کے فیصلے پر ضلعی اور مقامی انتظامیہ نے دھرنے کے شرکاء سے معافی مانگتے ہوئے اپنی غلطی تسلیم کی اور قبائلی رسم ’’ننواتے‘‘ کے مطابق منتظمین کو چار دنبے پیش کیے۔
Pakistani security forces raidedhouse of @mjdawar in Northe Waziristan to arrest him with out any warrant #StateMassacredPashtuns#PashtunRejectCurfewInWaziristan @a_siab @BushraGohar @manzoorpashteen @GulBukhari @RehamKhan1 @Gulalai_Ismail @RehamKhan1 @WrrangaLunri2 @sanaejaz2 pic.twitter.com/oZhCXi0N3I
— Mustafa Pashteen (@MustafaPashtun) May 29, 2019
پی ٹی ایم نے قبائلی رسم کے تحت معافی کو تسلیم کرتے ہوئے اپنے دھرنے کو عید تک ملتوی کرنے کا اعلان کردیا جبکہ وزیرستان سمیت دیگر علاقوں میں حالات بتدریج بہتری کی جانب گامزن ہیں تاہم موبائل سروس ابھی تک معطل ہے۔
دوسری جانب سوشل میڈیا پر ایک ویڈیو وائرل ہورہی ہے جس میں بتایا جارہا ہے کہ سیکیورٹی فورسز نے گرفتاری کےلیے محسن داوڑ کی رہائش گاہ پر چھاپہ مارا البتہ وہ موجود نہیں تھے۔
https://twitter.com/RasoolDawar/status/1133949760807800834
