کراچی: میسج پر پیسے مانگنے والی صبا ایڈوانس ہوچکی ہے کیونکہ وہ اب میسچ کر کے پیسے مانگنے کے بجائے مس کال کرکے موبائل بیلنس ہی ہڑپ کرلیتی ہے۔
آج کل موبائل فون کے ذریعے ایک نیا فراڈ شروع ہوگیا ہے جس میں پریمیم ریٹ سروسز کا غلط استعمال کرکے صارفین کو ہزاروں روپے کے بیلنس سے محروم کیا جارہا ہے یا پھران کا بل ہزاروں روپے بڑھ جاتا ہے۔
اس فراڈ کے تحت مختلف کنٹری کوڈ سے مس کال آتی ہے جب آپ مس کال دیکھ کر اس نمبر پر واپس کال کرتے ہیں تو اسٹینڈرڈ کال چارجز کے ساتھ آپ کا سارا بیلنس اڑ جاتا ہے۔
اگر آپ پوسٹ پیڈ کسٹمر ہیں تو پھر آپ کا ماہانہ بل ہزاروں تک چلا جاتا ہے اور تمام رقم فراڈیوں کے اکاؤنٹ میں پہنچ جاتی ہے، اس لئے موبائل فون کے تمام صارفین کسی بھی عجیب نمبر سے موصول ہونے مس کال کو سنجیدہ لیکر دوبارہ کال کرنے سے گریز کریں۔
