فیس بک کا گرینڈ آپریشن، تین ارب جعلی اکاؤنٹس بند

سان فرانسسکو: فیس بک نے ایک دو نہیں بلکہ تین ارب جعلی اکاونٹس بند کردیئے ہیں۔

فیس بک کی رپورٹ کے مطابق اکتوبر دوہزار اٹھارہ سے مارچ دوہزار انیس کے دوران مختلف اکاؤنٹس اور پوسٹس کے خلاف کارروائی کی گئی، چھ ماہ کے دوران فیس بک نے پہلی مرتبہ تین ارب جعلی اکاؤنٹس کو بند کیا جبکہ ستر لاکھ سے زائد نفرت انگیز پوسٹوں کو بھی ہٹایا گیا جو ایک ریکارڈ ہے۔

فیس بک کے مطابق اس سے پہلے یہ جعلی اکاؤنٹس کسی نقصان کا سبب بنتے، ان میں سے زیادہ تر کو چند ہی منٹوں میں شناخت کرکے ہٹا دیا گیا ہے۔ فیس بک اب ایسے تمام پوسٹس کی تفصیلات بھی جاری کرے گی جن کو منشیات اور اسلحہ فروخت کرنے کی وجہ سے ہٹایا گیا ہے ۔۔

اپنا تبصرہ بھیجیں: