اسلام آباد: سابق وفاقی وزیر اطلاعات فواد چوہدری نے حکومت کے خلاف نیا پینڈورا باکس کھول دیا۔
سما نیوز کو دیے جانے والے انٹرویو میں فواد چوہدری نے بتایا کہ اُن کے ہاتھ سے وزارتِ اطلاعات صرف اس لیے گئی کہ غیر منتخب لوگ مداخلت کرتے تھے۔ انہوں نے بتایا کہ یوسف بیگ، طاہر خان کھل کر میرے خلاف تھے۔
فواد چوہدری نے پینڈورا باکس کھولتے ہوئے انکشاف کیا کہ تحریک انصاف کی حکومت میں اس وقت منتخب اور غیر منتخب افراد کے درمیان سرد جنگ چل رہی ہے، غیرمنتخب لوگوں کی مداخلت اچھا اقدام نہیں کیونکہ فیصلےمنتخب افرادکوہی کرنےچاہئیں۔
آج فواد چوہدری نے خواجہ آصف نے قومی اسمبلی میں کی ہوئی تقریر کو سچ ثابت کر دیا ہے
حکومت میں فیصلے نان ایلکٹڈ لوگ کر رہے ہیں
اور ایلکٹڈ افراد کو سائیڈ لائن لگایا جا رہا ہے
نان ایلکٹڈ افراد اپنی اجارہ داری قائم کرنا چاہتے ہیں
جس سے ایک سرد جنگ جاری ہے pic.twitter.com/X2TZCaWHeQ— سرٹیفائیڈ پٹواری™ (@Malikabid85) June 1, 2019
اُن کا یہ بھی کہنا تھا کہ آئی ایس پی آر وزارتِ اطلاعات سے مضبوط ادارہ ہے مگر عالمی دنیا میں اسے سامنے نہیں لایا جاسکتا اور نہ ہی فوج میں اتنی اہلیت ہے کہ وہ ملک کو چلا سکے۔ فواد چوہدری کا کہنا تھا کہ پی ٹی ایم کے خلاف طاقت کا استعمال غلط اقدام ثابت ہوسکتاہے انہیں سیاسی محاذ پر شکست دے کر ہی معاملے کو حل کیا جاسکتا ہے۔
