کے آئی ایچ ڈی میں گھوسٹ ملازمین کی موجودگی کا انکشاف

کراچی انسٹیٹیوٹ آف ہارٹ ڈیزیز میں گھوسٹ ملازمین کے انکشاف پر کے ایم سی حکام نے غیر حاضر ڈاکٹروں اور افسران کی فہرست طلب کرلی۔ سینئر ڈائریکٹر ہیلتھ سروسز ڈاکٹر بیربل گینانی نے اسپتال کے سربراہ کو خط لکھا جس میں کہا گیا ہے کہ اسپتال میں بغیر کام کے تنخواہ لینے والے ڈاکٹروں اور افسران کی فہرست فراہم کی جائے۔

ان کا کہنا تھا کہ اسپتال کے ڈاکٹرز اور افسران سرکاری پیٹرول اور گاڑیاں بھی استعمال کر رہے ہیں۔ خط میں کہا گیا ہے کہ گھوسٹ ملازمین کے خلاف کارروائی کے لیے فہرستیں جلد از جلد فراہم کی جائیں۔