کراچی: انسداد دہشتگردی کی خصوصی عدالت نے لیاری گینگ وار سرغنہ عزیر بلوچ و دیگر کیخلاف دھماکہ خیز مواد، پولیس مقابلے، اقدام قتل اور ہنگامہ آرائی کے مقدمے میں گینگ وار کے ملا نثار کو پیش کرنے کا حکم دیدیا۔
کراچی سینٹرل جیل میں انسداد دہشتگردی کمپلیکس میں خصوصی عدالت کے روبرو دھماکہ خیز مواد، پولیس مقابلے، اقدام قتل اور ہنگامہ آرائی کے مقدمے کی سماعت ہوئی۔
تفتیشی افسر نے بتایا کہ مقدمے میں لیاری گینگ وار کے ملا نثار کو گرفتار کیا ہے۔ ملزم پولیس ریمانڈ پر ہے۔ عدالت نے آئندہ سماعت پر ملزم کو پیش کرنے کا حکم دیدیا۔
عزیر بلوچ اور زاکر عرف ڈاڈا نے عدالت میں بریت کی درخواست دائر کردی۔
عدالت نے درخواست پر مقدمے کی نقول ملزمان کے وکلا کو فراہم کرنے کا حکم دیدیا۔
عدالت نے مقدمے کے سماعت 2 جنوری تک ملتوی کردی۔ پولیس کے مطابق ملزمان کیخلاف کلاکوٹ تھانے میں 2012 میں دھماکہ خیز مواد، پولیس مقابلے، اقدام قتل اور ہنگامہ آرائی کے کا مقدمہ درج ہے۔
مقدمے میں گرفتار واحد ملزم غفار عرف ماما 2015 میں بری ہو چکا ہے۔
مقدمے میں عزیر بلوچ و دیگر ملزمان کو مفرور قرار دیکر مقدمہ داخل دفتر کردیا گیا تھا۔
