کراچی : منوڑہ میں سمندرسے دو بچوں کی لاشیں نکال لی گئیں،دونوں بچوں کو انکے باپ نے چند روزقبل ڈبوکر خودکشی کی کوشش کی تھی۔
چند روزقبل منوڑا میں کاشف نامی شخص نے اپنے دو نوعمربچوں کیڈرک اور کینرک کو سمندرمیں پھینک کرخود بھی سمندرمیں چھلانگ لگالی تھی لیکن موقع پرموجود افراد نے اسے بچالیا تھاَ
دونوں بچوں کی لاشوں کی تلاش میں کئی روزسے ایدھی فاؤنڈیشن کے غوطہ خورکررہے تھے،اتوارکو دونوں بچوں کی لاشیں سمندرسے نکال لی گئیں۔
کاشف عیسی نگری کا رہائشی تھا جس نے اپنے گھریلو جھگڑوں سے تنگ آکربچوں کو مارنے کے بعد خودکشی کی کوشش کی تھی،کاشف پولیس کی حراست میں ہے۔
