کراچی : صوبائی وزیر سعید غنی نے کہا ہے کہ بہتر ہوگا کہ ہم اور جماعت اسلامی آپس میں مل کر بیٹھ جائیں , حافظ نعیم کے پاس 94 نشستیں جیتنے کی اطلاعات غلط ہیں, ڈسٹرکٹ ویسٹ میں جماعت اسلامی نے آر او دفتر یرغمال بنالیا، حافظ نعیم الرحمان نے کمشنر سے بات کرتے ہوئے انہیں دھمکی دی۔
پریس کانفرنس کرتے ہوئے انہوں نے کہا کہ جماعت اسلامی کو توقع سے زیادہ نشستیں ملیں، لیاری کا علاقہ ہمارا ہے، وہاں 11 سے 12 نشستیں جیتیں تو حیرت انگیز نہیں، ایک جماعت صفر سے سو پر چلی جائے تو یہ حیرت کی بات ہے
انہوں نے کہا کہ ہماری ترجیح جماعت اسلامی سے بات کرنا ہے، زیادہ بہتر ہوگا جماعت اسلامی اور پیپلز پارٹی بات کرلیں, اگر سب دھمکائیں گے، یرغمال بنائیں گے تو عجب صورتحال ہوجائے گی۔
