کراچی:کراچی میں مہنگاآٹابیچنے والوں کے خلاف ایکشن آج بھی جاری رہے گا ۔کمشنر کراچی محمد اقبال میمن کی ہدایت پر ڈپٹی کمشنرز نے گزشتہ روز سے اب تک 100 سے زائد دکانداروں کے خلاف کاروائی کی ہے۔
کارروائی میں 8دکانیں سیل کی گئیں جبکہ مجموعی طور پر 4 لاکھ 80 ہزارروپے جرمانہ عائد کیاگیا۔
تمام ڈپٹی کمشنرزنےآٹےکے نرخ کی خلاف ورزی کرنیوالے دکانداروں کے خلاف کارروائی کی رپورٹ کمشنر کو پیش کی ہے جس کےمطابق ضلع جنوبی میں 24 دکانداروں ،ضلع شرقی میں30 ،ضلع غربی میں 11 ،وسطی اور ملیرکےاضلاع میں 10،10 دکانداروں کےخلاف کارروائی کی گئی ہے۔
ضلع جنوبی میں 2لاکھ 22ہزارروپے جرمانہ عائدکیاگیا۔کمشنر کراچی محمد اقبال میمن نے آٹا کےمقررکردہ نرخ نافذکرنےکی مہم جاری رکھنے کی ہدایت کی ہے۔
