کراچی : سابق وفاقی وزیرڈاکٹرعاصم حسین نے کہا ہے کہ ملک بہت ہی سخت حالات کی طرف جارہا ہے، ہم نے ٹھیک اقدامات نہ کیے تو حالات سنگین ہیں۔
ہفتہ کو پیشی کے بعد احتساب عدالت کے باہرمیڈیا سے بات کرتے ہوئے سابق وفاقی وزیرنے کہا کہ اب وہ وقت آگیا ہے کہ مشکل فیصلے لیے جائیں،ہمیں اپنے اخراجات کم کرنے ہوں گے معاملہ منی بجٹ سے حل نہیں ہوگا، عوام کو سمجھنا پڑیگا کس مشکل کا سامنا کررہے ہیں۔
قبل ازیں احتساب عدالت نے ڈاکٹرعاصم اوردیگر کیخلاف جے جے وی ایل میں 17 ارب کرپشن کیس کی سماعت 4 فروری تک ملتوی کردی۔
ہفتہ کو ڈاکٹر عاصم و دیگرملزمان عدالت میں پیش ہوئے،ملزمان نے ریفرنس میں بریت کی درخواست دائرکی،ملزمان کے وکلا آئندہ سماعت بریت کی درخواست پر دلائل دیں گے۔
