متحدہ قومی موومنٹ (ایم کیو ایم) پاکستان کے کنونیئر خالد مقبول صدیقی نے کہا ہے کہ جماعت اسلامی کراچی میں شکریہ ایم کیو ایم کا بینر لگانا بھول گئی۔
ملیر میں پھولوں کی نمائش کے دورے کے بعد میڈیا سے گفتگو کرتے ہوئے خالد مقبول صدیقی نے کہا کہ علم سب کے لیے ہے اور سب تک پہنچنا چاہیئے،علم کاسفرایم کیوایم تحریک کا نصاب ہے،خ ایم کیوایم کا سفر علم کی طلب سے شروع ہوا، ایم کیوایم تعلیم قربانی اور تہذیب سے پہچانی جاتی ہے۔
انہوں نے کہا کہ علم کا فروغ ہماری اولین ترجیح ہے،علم ہے جو ظلم سے انکار سکھاتا ہے، علم نے صیح وقت پر صیح فیصلہ کرنے کی طاقت دی۔ خالد مقبول صدیقی نے کہا کہ جعلی اور فراڈ بلدیاتی انتخابات کے ذریعے کراچی پر قبضہ کرنے کی کوشیش کی گئی، کراچی خیراتی دواخانہ نہیں، جو جیتے ہیں وہ ہماری خیرات کی وجہ سے جیتے ہیں۔
انہوں نے کہا کہ ہم نے الیکشن نہیں لڑا تو عوام نے الیکشن میں حصہ نہیں لیا، جماعت اسلامی ایک بینر لگانا بھول گئی، شکریہ ایم کیو ایم والوں!
فواد چوہدری کی گرفتاری پر خالد مقبول کا کہنا تھا کہ فواد چوہدری دوسروں کی گرفتاری پر بہت خوش ہوتے تھے، اب جب آپ خود پر بات آیی تو احساس ہوا ہے، گرفتاری کسی کی بھی ہو قابل مذمت ہے۔
