کراچی: بوہرہ فوڈ فیسٹیول کراچی منعقد کرنے کا فیصلہ،فیسٹیول کا بنیادی مقصد کراچی کے لوگوں کے لیے بوہرہ ثقافت کو سیکھنا اور اسے اپنانا ہے۔
اس میلے کا مقصد کھانے پینے کے شوقین لوگوں اور بہترین کھانے پکانے والوں کو ایک ہی چھت کے نیچے لانا ہے تاکہ وہ کراچی کے کھانے سے محبت کرنے والے لوگوں کے لیے کھانا پکانے کا ایک خوشگوار تجربہ فراہم کر سکیں۔
مستند بوہرہ کھانے کے علاوہ، فیسٹیول میں دیگر ریستوران اور کھانے پینے کی اشیا بھی میسر ہوں گی، جس میں ترکی، جاپانی، چائنیز سے لے کر ہر قسم کے کھانوں اور دیگر مختلف پکوان جو کراچی والوں کو پسند ہیں شامل ہونگے۔تھال ایک اہم بوہرا غذا ہے اور ان کے کھانے کا ایک اہم عنصر ہے۔ کراچی والے اپنے پیاروں کے ساتھ مزیدار دعوت سے لطف اندوز ہونے کے لیے ایونٹ سے پہلے اپنے کھانے کی بکنگ کر کے تھال کھانے کا تجربہ کر سکتے ہیں۔
اس طرح بوہرہ کمیونٹی کراچی کے لوگوں کو کھانے کا مستند تجربہ حاصل کرنے کا موقع فراہم کر رہی ہے۔بوہرہ فوڈ فیسٹیول نارتھ ناظم آباد کے قلب میں نارتھ واک میں منعقد کیا جائے گا۔ یہ میلہ 64000 مربع فٹ کے رقبے پر محیط ہے اور لوگوں کی ایک بڑی تعداد کو ایڈجسٹ کرنے کے لیے ایک بہترین مقام ہے۔
فیسٹیول میں پورے خاندان کے لیے کچھ نہ کچھ ضرور ہوگا، جس میں ایک فوٹو بوتھ اور بچوں کے پلے ایریا ہوگا تاکہ چھوٹے بچوں کو گیمز اور سلائیڈز میں مشغول رکھا جا سکے جبکہ والدین تہواروں سے لطف اندوز ہو سکیں۔
