لاہور: شوبز کو خیر باد کہنے والی گلوکارہ رابی پیر زادہ علیل ہوگئیں،ڈاکٹرزنے ایک ہفتے تک مکمل آرام کا مشورہ دیا ہے ۔
ڈاکٹروں کے مطابق انہیں شدید انفیکشن ہوا جس کی وجہ سے انہیں ایک ہفتے کے لئے مکمل آرام کامشورہ دیا گیاہے۔ اس حوالے سے گلوکارہ رابی پیر زادہ سے رابطہ کیاگیا تو انہوں نے بتایا کہ مسلسل مصروفیات کی وجہ سے علیل ہو گئی ہوں۔
مجھے امید ہے کہ اپنے والدین اور پرستاروں کی دعائوں سے بہت جلد ٹھیک ہوجائوں گی اور دوبارہ سے فلاح و بہبود کی سرگرمیوں کا آغاز کروں گی ۔
انہوں نے کہا کہ میں اپنے چاہنے والوں کی بہت شکرگزار ہوں جو میری جلد صحت یابی کے لئے دعائیں کررہے ہیں۔
