تبلیغی جماعت کے تحت کراچی اجتماع کا آغاز جمعرات کو اورنگی ٹاؤن میں ہوگیا ہے۔ اجتماع گاہ میں شرکاء کی آمد کا سلسلہ جاری ہے۔
اجتماع اتوار کو خصوصی بیان اور رقت آمیز دعا کے بعد اختتام پذیر ہوگا۔
اختتامی بیان و دعا مولانا عبید خورشید صاحب فرمائیں گے۔ جمعرات کو ڈاکٹر روح اللہ صاحب اور مولانا ضیاء الحق صاحب کے خصوصی بیانات ہوئے۔
انہوں نے شرکاء کو نماز کی پاپندی اور اسلامی تعلیمات پر عمل درآمد کرنے پر زور دیا اور فضائل سے آگاہ کیا۔ جمعہ کو مختلف اوقات میں بھائی نعیم شاہ صاحب، ڈاکٹر سلیم صاحب، مولوی عثمان صاحب اور مولانا عبید اللہ خورشید صاحب کے خصوصی بیانات ہوں گے۔ تبلیغی اجتماع میں شرکاء کو تمام سہولیات کی فراہمی کے لیے خصوصی انتظامات کیے گئے ہیں۔ اجتماع گاہ کے اطراف سخت سیکورٹی تعینات کی گئی ہے۔
