کراچی: وزیراعلیٰ سندھ کو 24 گھنٹوں کے دوران جرائم کی روک تھام کیلئے اقدامات پر ایڈیشنل آئی جی کراچی نے رپورٹ پیش کی، بتایا گیا کہ شہر میں 91 اسٹریٹ کرائم کی وارداتیں ہوئیں، 3 مقابلے ہوئے، جس میں 1 ڈاکو مارا گیا، 7 جرائم پیشہ افراد کو زخمی حالت میں پکڑا گیا، 11 اسٹریٹ کرمنلز، چور رنگے ہاتھوں دھرلئے گئے۔
مجموعی طور پر 144گرفتاریاں عمل میں لائی گئیں، جن میں اسٹریٹ کرمنل، ڈاکو، کارلفٹرز، قاتل، اغواء کار، منشیات فروش شامل ہیں، چھاپوں،کارروائیوں میں 22 غیر قانونی اسلحہ، 49 کلو گرام چرس، 9 چوری شدہ موبائل فون اور 18 مسروقہ گاڑیاں برآمد کی گئیں۔
