راولپنڈی : ملتان سلطانز نے کوئٹہ گلیڈی ایٹرز کو9رنز سے ہرا کر اسکا پلے آف مرحلے میں پہنچنے کا خواب چکنا چور کر دیا ۔ اس طرح لیگ کی پلے آف مرحلے کی لائن اپ مکمل ہوگئی ۔
راولپنڈی میں گزشتہ روز گلیڈی ایٹرز نے ٹاس جیت کر پہلے فیلڈنگ کا فیصلہ کیا اور سلطانز کے اوپنر عثمان خان کی ریکارڈ ساز سنچری کی بدولت ملتان نے 3 وکٹوں پر 262 رنز بنائے ۔ ع
ثمان خان نے 36 گیندوں پر پی ایس ایل کی تیز ترین سنچری سکور کرتے ہوئے 43 گیندوں پر 120 رنز بنائے ۔ محمد رضوان نے 55 اور ٹم ڈیوڈ 43 رنز بنا کر ناقابل شکست رہے ۔
قیس احمد نے 2 وکٹیں لیں۔ جواب میں کوئٹہ کی ٹیم مقررہ اوورز میں8وکٹوں پر253رنز بنا سکی ۔ عمیر یوسف نے 67 جبکہ افتخار احمد نے53 رنز کی اننگز کھیلی۔
سلطانز کے عباس آفریدی نے ہیٹ ٹرک کرتے ہوئے 5 کھلاڑیوں کو پویلین کی راہ دکھائی ۔ احسان اللہ نے 2 کھلاڑیوں کو آئوٹ کیا ۔
اس طرح کوئٹہ گلیڈی ایٹرز پلے آف سے باہر ہوگئی جبکہ 4 پوائنٹس والی کراچی کنگز کی ٹیم اپنا آخری میچ جیت کر بھی پلے آف مرحلہ نہیں کھیل سکے گی ۔
پلے آف مرحلے میں قلندرز، سلطانز ، یونائیٹڈ اور زلمی کی ٹیموں نے کوالیفائی کیا ہے ۔
