کراچی: قطر اسپتال سے اغواء کی جانے والی نومولود بچی کو کچھ گھنٹوں بعد ہی پولیس نے بازیاب کرا لیا، اغواء میں ملوث 4 ملزم گرفتار کر کے ان کے قبضے سے ایک اور مغوی بچی بھی بازیاب کرا لی گئی۔
سی سی ٹی وی فوٹیج کی مدد سے پولیس چند گھنٹوں میں ہی ملزمان تک پہنچ گئی اور ان کے قبضے سے بچی کو بازیاب کرا لیا۔گرفتار ہونے والے ملزمان کے قبضے سے 6 ماہ قبل اغواء ہونے والی ایک اور بچی بھی بازیاب کرا لی گئی۔
گرفتار جوڑے نے انکشاف کیا ہے کہ اُن کے گھر اولاد نہ ہوئی تو انہوں نے بچے اغوا کرنے کا منصوبہ بنایا اور انہیں سب کے سامنے اپنا بچہ ثابت کیا، اب تک چھ بچے اغوا کرچکے ہیں۔
