کراچی: لیاقت آباد 10 نمبر انڈر پاس کے قریب 3 منزلہ رہائشی عمارت میں آتشزدگی، میاں بیوی اور 3 بچے جھلس کر زخمی ہوگئے۔
پلاٹ نمبر 10/712 پر قائم 3 منزلہ عمارت میں آگ کی اطلاع پر فائر بریگیڈ، رینجرز اور ایدھی رضا کار پہنچے، فائر بریگیڈ نے ایک گھنٹےبعد آگ پر قابو پالیا، زخمیوں کو سول اسپتال برنس وارڈ منتقل کیا گیا۔
ترجمان کراچی پولیس کے مطابق زخمیوں کی شناخت 50 سالہ سلیم اکرم الدین، ان کی اہلیہ 48 سالہ امرین، 3 بچے 18 سالہ حفظہ، 12 سالہ مریم اور 14 سالہ سفیان کے ناموں سے ہوئی۔
آگ سے پہلی، دوسری اور تیسری منزل پر موجود فرنیچر جلکر خاکستر ہوگیا۔
