پشاور: خیبرپختونخوا سکیورٹی فورسز اور دیگر قانون نافذ کرنے والے اداروں کی کارروائیوں سے متعلق ایک ماہ کی رپورٹ جاری کر دی ہے،رپورٹ کے مطابق سکیورٹی فورسز نے مختلف کارروائیوں میں 46شرپسندوں کو ہلاک کیا۔
باجوڑ، خیبر، سوات، بنوں، لکی مروت اور جنوبی وزیرستان میں دہشت گردوں کے خلاف آپریشن کیا گیا، شمالی وزیرستان اور خیبر میں بھی آپریشن کیا گیا، سکیورٹی فورسز نے انٹیلی جنس کی بنیاد پر 136 آپریشن کئے، مختلف کارروائیوں کے دوران ٹی ٹی پی اور دیگر تنظیموں کے 306 دہشت گردوں کو گرفتار کیا گیا۔
گرفتار دہشت گردوں سے باردوی مواد اور بھاری مقدار میں اسلحہ بھی برآمد کیا گیا، ایک ماہ میں گرفتار دہشت گردوں سے 2 ہزار 975 کلاشنکوفیں اور 18 ہزار 388 رائفلیں برآمد کی گئیں۔ دہشت گردوں سے 159 پستول، 2 ہزار 274 بھاری ہتھیار، 83 پستول 12 ایم ایم بھی برآمد ہوئے ہیں، 74 راکٹ لانچرز، 67 دستی بم، 8 مارٹر گولے، 5 لائٹ مشین گنز اور 4 بارودی سرنگ بم برآمد کر لئے گئے ہیں۔
