اوپن اے آئی نے چیٹ جی پی ٹی کے لیے انتہائی اہم اپ ڈیٹ جاری کرتے ہوئے اسے ریئل ٹائم میں جواب دینے کے قابل بنادیا ہے۔
چیٹ جی پی ٹی تخلیق کرنے والے پلیٹ فارم اوپن اے آئی نے اس معرکۃ الآرا ایجاد کے لیے نئی اپ ڈیٹ جاری کی ہے جس کے بعد اب یہ لینگویج ماڈل ( چیٹ جی پی ٹی ) پوچھے گئے سوالوں کے جواب تازہ ترین معلومات کی بنیاد پر یعنی ریئل ٹائم میں دے گا۔
قبل ازیں چیٹ جی پی ٹی ستمبر 2021تک کی معلومات کو کھنگال کر جواب دے رہا تھا۔ ریئل ٹائم میں جواب دینے کے ساتھ ساتھ چیٹ بوٹ کو وائس اور امیجنگ کی خصوصیات سے بھی لیس کیا جارہا ہے جس کے بعد یوزر چیٹ جی پی ٹی سے بات چیت بھی کرسکیں گے۔
اوپن اے آئی کے مطابق فی الوقت چیٹ جی پی ٹی پلس کے سبسکرائبرز اور تجارتی ادارے اور کمپنیاں نئی اپ ڈیٹ سے مستفید ہوسکیں گے تاہم بہت جلد عام صارفین کو بھی اپ ڈیٹڈ چیٹ جی پی ٹی ڈیٹ تک رسائی دے دی جائے گی۔
