کراچی: ایم کیو ایم پاکستان نے اپنا ڈپٹی میئر لانے کی تیاری شروع کرتے ہوئے امیدواروں کے انٹرویوز شروع کردیے۔
تفصیلات کے مطابق ارشد وہرہ کی نااہلی کے بعد کی خالی ہونے والی نشست پر ایم کیوایم پاکستان نےکراچی کا نئےڈپٹی میئر لانے کی تیاری شروع کردی۔
ایم کیو ایم پاکستان نے ڈپٹی میئر کے امیدوار کے لیے انٹرویوز شروع کردئیے، جس کے تحت امیدواروں کوشارٹ لسٹ کیا جائے اور پھر اُن کے نام رابطہ کمیٹی کو بھیجا جائے گا۔
ذرائع کے مطابق رابطہ کمیٹی اور سی ای سی اجلاس میں ڈپٹی میئر کے نام کوحتمی شکل دےگی،اسلم آفریدی اور ارشد حسن کے نام سرفہرست ہیں جن کو فائنل کرنے کا حتمی اختیار رابطہ کمیٹی کے بعد کنونیئر خالد مقبول صدیقی کے پاس ہوگا۔
