اسلام آباد: عالمی بینک نے معاشی رپورٹ جاری کی جس میں بتایا گیا ہے کہ رواں سال پاکستان کا تجارتی خسارہ زیادہ رہنے کی توقع ہے۔
رپورٹ میں حکومت کو مشورہ دیا گیا ہے کہ پاکستان کو معاشی شرح نمو بڑھانے کے لیے سرمایہ کاری، پیداوار کی ضرورت ہے، اگر ریگولیٹری ماحول کو بہتر نہیں بنایا گیا تو صورتحال بہت خراب ہوسکتی ہے۔
رپورٹ میں بتایاگیا ہے کہ پاکستان کوکاروباری لاگت میں کمی لاناہوگی جبکہ ذرائع آمدن بڑھانےکےلیےٹیکس اصلاحات بھی ناگزیر ہیں،
عالمی بینک کے مطابق پاکستان کی معاشی شرح نمو رواں مالی سال 3اعشاریہ 4فیصد رہے گی جبکہ اگلے مالی سال پاکستان کی معاشی شرح نمو 2اعشاریہ 7فیصد تک سکڑنے کا خدشہ ہے اور ملک میں مصنوعات کی کھپت کم ہوگی۔
عالمی بینک کا کہنا ہے کہ پاکستان کی برآمدات میں اضافہ آئندہ برس بھی کم ہی ہوگا، تاہم رواں مالی سال سروسز سیکٹر کی نمو میں 4 اعشاریہ 4 فیصد کمی کا امکان ہے۔
عالمی بینک کی رپورٹ کے مطابق پاکستان کی زرعی اور صنعتی شعبے کی شرح نمو بڑی حد تک کم رہے گی جب کہ ہنگامی اصلاحات ہوئے تو مالی سال 2021 میں معاشی شرح نمو 4 فیصد تک بڑھ سکتی ہیں۔
