سعودی عرب نے مختلف کیسز میں ملوث ایک سو تیس پاکستانیوں کو ڈی پورٹ کردیا جنہیں نجی پرواز کے ذریعے ملتان ایئرپورٹ پہنچایا گیا۔
ڈی پورٹ کئے گئے پاکستانیوں کو سعودی ائیر لائن کے ذریعے جدہ سے ملتان انٹرنیشنل ائیر پورٹ لایا گیا، جہاں انہیں ایف آئی اے نے اپنی تحویل میں لیا اور تمام افراد سے مکمل چھان بین کے بعد انہیں اپنے گھروں میں جانے کی اجازت دے دی گئی ہے۔
اس سے قبل اٹھائیس مارچ کو بھی وزیراعظم پاکستان عمران خان کی درخواست پر سعودی عرب نے مختلف چھوٹے الزامات میں گرفتار اڑتالیس پاکستانیوں کو رہا کرکے وطن واپس بھیجا تھا، بے دخل کیے گئے 48 پاکستانی خلیجی ائر لائن کی پرواز ایس وی 700 کے ذریعے جدہ سے کراچی کے جناح انٹر نیشنل ایئرپورٹ پر پہنچے تھے۔
