کراچی / لاہور / اسلام آباد: رمضان المبارک کا آغاز ہونے کے باوجود بھی کھجورکی قیمت کم ہونے کے بجائے مزید بڑھ گئیں اور قیمتوں میں چالیس تا پچاس فیصد اضافہ ہوگیا۔
کھجور کی قیمتوں میں چالیس تا پچاس فیصد اضافہ کے بعد متوسط طبقے کے لوگ کھجور کی پہنچ سے دو رہیں۔ ماہ صیام کے مہینے میں کھجور کا استعمال پوری اسلامی دنیا میں بہت زیادہ بڑھ جاتا ہے، کیونکہ مسلمانوں کی اکثریت کھجور سے روزہ افطار کر کے سنت محمدی صلی اللہ علیہ وآلہ وسلم پر عمل کرتی ہے۔
کھجور کو بجا طور پر صحت بخش غذا کا درجہ بھی دیا گیا ہے مگر افسوس کہ بے شمار معدنی غذائی اجزا شامل ہونے والی کھجور جیسی نعمت کی قیمتیں آسمان پر ہونے کے باعث متوسط طبقے سے تعلق رکھنے والے افراد کی پہنچ سے دور ہوگئی ہے۔
غذائیت سے بھرپور پھل کھجور کی قیمتوں میں 40 سے 50 فیصد تک کا اضافہ غریب عوام کے ساتھ دشمنی کے مترادف ہے۔
