بیجنگ: چین میں ایشیاء فلم اور ٹی وی ویک فیسٹیول کا آغاز ہوگیا جس میں 30 ایشیائی ممالک کی 60 فلمیں مختلف علاقوں میں 16 تا 23 مئی دکھائی جائیں گی۔
ایشیائی ممالک پاکستان، بھارت، انڈونیشیا، بنگلہ دیش، تامل سمیت دیگر ممالک کی شوبز شخصیات چین پہنچ گئیں، ایک روز قبل پاکستانی اداکار نبیل قریشی اور فضاء علی مرزا کی دنگل اسٹار سے ملاقات ہوئی۔
مسلم لیگ کے سینیٹر مشاہد حسین بھی چین میں ہی موجود ہیں انہوں نے بھی عامر خان سے ملاقات کی جس کی تصویر لیگی سینیٹر نے ٹویٹر اکاؤنٹ پر شیئر کی ہے۔
پاکستانی شخصیات سے ملاقات میں عامر خان نے بتایا کہ وہ مزاحیہ اداکار معین اختر کے بہت بڑے مداح ہیں، انہوں نے مرحوم کا شو ’’ لوز ٹاک‘‘ دیکھا اور ابھی تک اُس کے سحر میں مبتلا ہیں۔ عامر خان کا کہنا تھا کہ ’’معین اختر جیسا باصلاحیت فنکار پیدا نہیں ہوسکتا‘‘۔
Good meeting with legendary Indian movie icon, Amir Khan, who is also in Beijing for the first Asian Civilisations Dialogue, hosted by President Xi Jinping; Amir Khan’s movie ‘Dangal’ is a big hit in China, he says ‘I am a huge fan of late Moin Akhter, an amazing/talented actor’! pic.twitter.com/cpxQDcs2N8
— Mushahid Hussain (@Mushahid) May 15, 2019
