راولپنڈٰی: شمالی وزیرستان میں بارودی سرنگ کے دھماکے میں شہید ہونے والے پاک فوج کے کیپٹن عارف اللہ اور لیفٹیننٹ کرنل راشد کریم بیگ کو سرکاری اعزاز کے ساتھ سپردخاک کردیا گیا۔
شہید کیپٹن عارف اللہ کا تعلق لکی مروت سے تھا، ان کا نماز جنازہ آبائی گاؤں تاجہ زئی میں ادا کیا گیا جس میں فوجی حکام سمیت گاؤں کے افراد نے بڑی تعداد میں شرکت کی، شہید کو فوجی و سرکاری اعزاز کے ساتھ سپرد خاک کیا گیا۔
شہیدکیپٹن عارف اللہ کی نماز جنازہ میں اعلیٰ افسران اور لوگوں کی بڑی تعداد نے شرکت کی ۔شمالی وزیرستان دھماکے میں شہید ہونے والے پاک فوج کے دوسرے افسر لیفٹیننٹ کرنل راشد کریم بیگ کا تعلق ہنزہ کے علاقے کریم آباد سے تھا، ان کی نماز جنازہ جوٹیال میں ادا کی گئی جس میں وزیراعلیٰ گلگت بلتستان سمیت فوجی افسران نے شرکت کی۔شہید لیفٹیننٹ کرنل راشد کریم بیگ کے جسدِ خاکی کو بذریعہ ہیلی کاپٹر ہنزہ پہنچادیا گیا جہاں سے شہید کی میت کو ایمبولینس کے ذریعے آبائی گاؤں حیدرآباد روانہ کیا گیا۔
ایس پی طاہر داوڑ مہینوں بعد قتل کی تنظیم ذمہ داری قبول کرلی، پولیس کو بھی خبردار کردیا
دوسری جانب شمالی وزیرستان میں ہونے والے دھماکے اور فوجیوں کی شہادت پر سیاسی و مذہبی شخصیات نے افسوس کا اظہار کیا ہے، وزیراعظم کا کہنا تھا کہ چند عناصر کو وزیرستان کا امن خراب کرنے کی اجازت نہیں دی جائے گی۔ایسے عناصر وزیرستان کے قبائلیوں کو ورغلا رہے ہیں۔
