لاہور: اے این ایف نے سکھیکی کے قریب راناثنااللہ کو منشیات رکھنے کے الزام میں گرفتار کرکے 14 روزہ جوڈیشل ریمانڈ پر جیل بھی دیا۔
ذرائع کے مطابق اینٹی نارکوٹکس فورس نے مسلم لیگ (ن) کے سینئر رہنما اور رکن قومی اسمبلی رانا ثنااللہ کو موٹروے پر سکھیکی کے قریب گاڑی روک کر تلاشی لی دورانِ تلاشی راناثنااللہ کی گارڑی سے بھاری مقدار میں منشیات برآمد ہوئی جس کے بعد انہیں گرفتار کرلیا گیا دورانِ گرفتاری رانا ثنااللہ کے گارڈز نے مزاحمت کی جس پرقانون ہاتھ میں لینے کی کوشش پر گارڈزکو گرفتار کرلیا گیا۔
ذرائع کے مطابق رانا ثنا اللہ کے خلاف اینٹی نارکوٹکس ایکٹ کے تحت مقدمہ درج کیاجائے گا جب کہ ریمانڈ کے لیے کل صبح انسدادِ منشیات کی عدالت میں پیش کیا جائے گا۔
گرفتاری کے بعد مسلم لیگ (ن) کے صدرمیاں شہاز شریف نے اپنے وڈیوں بیان میں کہاں کہ رانا ثنااللہ کی گرفتاری کی شدید الفاظ میں مذمت کرتے ہیں، اس ریاست گردی کی سربراہی سلیکٹڈ وزیر اعظم خود کررہے ہیں۔ شہباز شریف کا مزید کہنا تھا کہ میں عمران خان اور انکی ٹیم کو بتانا چاہتا ہوں کہ اس اقدام سے پاکستان مسلم لیگ (ن) کےحوصلے پست نہیں ہونگے بلکہ مزید جوش اور ولولہ آئیگا۔
دوسری جانب مسلم لیگ (ن) کی نائب صدر مریم نواز نے اپنے سماجی رابطے کی ویب سائٹ (ٹوئیٹر) پر رانا ثنااللہ سےاظہارِ یکجہتی کے لیئےانکی تصویر لگائی اور کہاں کہ اس سے زیادہ مضحکہ خیز بات کیا ہو سکتی ہے کہ اے این ایف رانا ثنااللہ کو گرفتار کرے، اے این ایف کا رانا ثنااللہ سے کیا لینا دینا ہے، انہیں دلیرانہ موقف کی وجہ سے گرفتارکیا گیا جب کہ رانا ثنااللہ کی گرفتاری کے پیچھے عمران خان ہے، جعلی اعظم چھوٹے ذہن کا مالک ہے۔
What has ANS got to do with Rana Sanaullah? It could not get more absurd. He has been arrested for his bold & courageous stance. Jaali-e-Azam being the small & petty minded man that he is, is directly behind his arrest. Make no mistake. https://t.co/7ziuR51u6h
— Maryam Nawaz Sharif (@MaryamNSharif) July 1, 2019
واضح رہے کہ کچھ دن قبل اینٹی نارکوٹکس کے وزیر شہریار آفریدی کےبھتیجے طلال نادر آفریدی اپنے دو ساتھیوں سمیت منشیات رکھنے کے الزام میں گرفتار ہوئے بعد ازاں انہیں اگلے ہی روز ضمانت پر رہائی مل گئی تھی۔
رانا ثنا اللہ کی گرفتاری کے خلاف نامور صحافیوں اور سوشل میڈیا ایکٹویسٹ نے مختلف انداز سے ٹویٹ کیے جن میں طنز و مزاح شامل تھا۔
عاصمہ شیرازی نے شعر شیئر کیا
چراغ سب کے بجھیں گے ہوا کسی کی نہیں
— Asma Shirazi (@asmashirazi) July 1, 2019
ماریہ میمن نے طنز کیا
وہ تو شاید بھینس گاڑی کی ڈِگی میں نہیں آ سکتی تھی ورنہ رواج تو اصل میں بھینس چوری کے مقدموں کا ہے ۔
— Maria Memon (@Maria_Memon) July 1, 2019
معروف اینکر ارشد شریف کی اہلیہ اور نامور صحافی جویریہ صدیقی نے بھی اسی طرح ایک طنز کیا اور ٹرولنگ کرنے والوں کو بھی جواب دیا۔
اس ٹویٹ پر 900 سے زائد کمنٹس آئے آزادی رائے اور اختلاف پر میں کسی کو بلاک نہیں کرتی ۔ایک دوسرے کا موقف سننے سوچنے اور سمجھنے سے چیزیں بہت حد تک ٹھیک ہونے کا امکان رہتا ہے۔البتہ گالی دینے والا چرب زبان ہمیشہ ہمیشہ کے لیے بلاک ہوگا اس کو لائک اور ری ٹویٹ کرنے والا بھی بلاک ۔ https://t.co/noE4nvGXEA
— Javeria Siddique (@javerias) July 2, 2019
وقاص گورایہ نے لکھا کہ
پنجاب والو! ایسے ہی کراچی کی ٹینکیوں سے اسلحہ نکلتا تھا۔
— Ahmad Waqass Goraya 🇵🇸 (@AWGoraya) July 2, 2019