اسلام آباد: پاکستانی الیکٹرانک میڈیا کے نامور صحافی افتخار احمد نے طبعی بنیادوں کی وجہ سے ذرائع ابلاغ کی دنیا کو خیر باد کہہ دیا۔
انہوں نے اپنے ٹویٹ میں کہا کہ وہ اپنا بطور اینکر 17 سالہ کیریئر ختم کررہے ہیں، اس دوران مجھے بہت اچھے لوگ ملے، شکریہ اُن تمام کا جنہوں نے مجھے سپورٹ کیا ہر موقع پر مدد کی اور تنقید کی۔
انہوں نے بتایا کہ وہ چینل 24 سے بھی مستعفیٰ ہورہے ہیں کیونکہ اب اُن کی طبیعت مزید اجازت نہیں دے رہی۔
Due to health reasons I am resigning from Channel 24 and bidding farewell to my 17 years long career as a TV Anchor. It has been a great journey, thanking all those who supported and helped me throughout the years, even my critics too.
— Iftikhar Ahmad (@jawabdeyh) July 13, 2019
یاد رہے کہ افتخار احمد نے جیو ٹی وی پر جواب دہ پروگرام سے شہرت کی بلندیوں کو چھوا اُس کے بعد وہ بول اور دنیا نیوز کا بھی حصہ بنے۔ انہوں نے اپنے صحافتی کیریئر کا آغاز 1982 میں روزنامہ اخبار صبح خیر سے کیا، بعد ازاں روزنامہ آفتاب، پاکستان، اور جنگ میں بھی مختلف ذمہ داریاں انجام دیں۔
انہوں نے 2015 میں چینل 24 جوائن کیا جہاں سے وہ اپنا پروگرام جواب دیں کررہے تھے۔
