سندھ بلڈنگ کنٹرول اتھارٹی میں رشوت ستانی کے خلاف اینٹی کرپشن کی کاروائی، محکمہ اینٹی کرپشن ضلع شرقی نے ایس بی سی اے کے دو افسران کو گرفتار کرلیا، ایس بی سی اے گرفتار افسران وقار حیدر اور شاہد کو رشوت لیتے ہوئے رنگے ہاتھوں گرفتار کیا گیا، عمارت کو مسمار نہ کرنے کے لئے گرفتار افسران نے شہری سے چار لاکھ روہے رشوت طلب کیاْ
شکایت کنندہ کے مطابق رشوت نہ دینے کی صورت میں عمارت مسمار کرنے کی دھمکی دی گئی، ایس بی سی اے کے گرفتار افسران وقار حیدر اور شاہد کے خلاف مقدمہ درج کر لیا گیا، گرفتار افسران سے رشوت کے ایک لاکھ روپے برآمد ہوئے۔
صوبائی وزیر سہیل انور سیال کا کہنا تھا کہ رشوت ایک ناسور ہے اسے جڑ سے اکھاڑ پھینکیں گے، عوام کو کوئی بھی سرکاری ادارے کا آفیسر رشوت کے لئے تنگ کرے تو وہ اے سی ای میں شکایت درج کرائیں، رشوت کی روک تھام کے لئے عوام محکمہ اینٹی کرپشن کا ساتھ دیں۔
