پاکستان کی معروف اداکارہ نیلم منیر نے وزیراعظم کے خلاف مولانا فضل الرحمان کے بیان پر ناراضگی کا اظہار کرتے ہوئے اپنے جذبات کا اظہار کردیا۔
سماجی رابطے کی ویب سائٹ انسٹاگرام پر اپنی تصاویر شیئر کرتے ہوئے نیلم منیر نے لکھا کہ ’’میں تمام مذہبی اسکالرز کی عزت کرتی ہوں اور میں اُن کے خطاب یا دروس کو بغور سن پر اپنی زندگی کے روز مرہ مسائل کا حل بھی تلاش کرتی ہوں‘‘۔
اُن کا کہنا تھا کہ مولانا فضل الرحمان نے عمران خان کو گھر سے گرفتار کرنے کی دھمکی دے کر میرا دل توڑ دیا، اداکارہ نے مزید لکھا کہ ’ہمارا ملک آمرانہ نظام اور سول نافرمانی برداشت نہیں کرسکتا، ہم نوجوانوں کو اپنی منزل سنبھالنے کی ضرورت ہے اور اس کا واحد راستہ یہی ہے کہ جو کوئی پاکستان میں انتشار پھیلا رہا ہے اس کی بات کوئی نہ سنے۔‘ نیلم منیر نے مزید کہا کہ ‘ہم نوجوانوں کو ان تمام کے خلاف متحد ہونا پڑے گا، چاہے وہ کوئی بھی ہوں جو ہمارے پیارے ملک کو نقصان پہنچانے کی کوشش کر رہے ہیں‘۔
