عامر یا شاہ رخ ! ہیتھرگراہم نے کس کے ساتھ کام کی خواہش ظاہر کی تھی؟ جانئے

نیویارک : معروف امریکی اداکارہ ہیتھر گراہم نے ماضی میں بالی ووڈ کے مشہور خانز شاہ رخ خان اور عامر خان میں سے ایک کے ساتھ فلم میں کام کرنے کی خواہش ظاہر کی تھی۔
ہیتھر گراہم ایک امریکی اداکارہ ہیں جنہوں نے متعدد فلموں اور ٹی وی شوز میں کام کیا ہے، وہ وہ ‘دی ہینگ اوور’ اور ‘بوگی نائٹس’ میں اپنے کرداروں کے حوالے سے مشہور ہیں۔لیکن آپ کو یہ جان کر حیرانی ہوگی کہ ماضی میں مشہو امریکی اداکارہ نے عامر خان کی فلم ‘دھوم 3’ میں کام کرنے سے منع کیا تھا جس کی وجہ یہ سامنے آئی تھی کہ اداکارہ ان دنوں دوسرے پراجیکٹس میں مصروف تھیں اس لئے دھوم 3 میں کام نہیں کرسکتیں۔
جب ہیتھر نے گوا فلم فیسٹیول میں شاہ رخ خان سے ملاقات کی تو وہ اُن سے بہت زیادہ متاثر ہوئیں اور انہوں نے اداکار کی شہرت کی بھی تعریف کی تھی۔
ہیتھر گراہم نے اس ملاقات کے بعد شاہ رخ خان کے ساتھ کام کرنے کی بھی خواہش ظاہر کی تھی اور کہا تھا میں اس وقت کا بے صبری سے انتظار کررہی ہوں جب مجھے شاہ رخ خان کے ساتھ کام کرنے کی پیشکش ہوگی۔