کراچی: اسٹیٹ بینک آف پاکستان نے سکھ مذہب کے بانی اور مذہبی پیشوا بابا گرونانک کے 550 ویں جنم دن کے موقع پر یادگاری سکہ جاری کردیا۔
تفصیلات کے مطابق اسٹیٹ بینک میں سکے کی رونمائی کے حوالے سے تقریب کا انعقاد کیا گیا جس میں گورنر باقر اور پاکستان سکھ کونسل کے سربراہ رمیش سنگھ حالصہ سمیت دیگر افراز نے شرکت کی۔
قومی بینک دولت پاکستان کی جانب سے سکے کی قیمت 550 روپے مقرر کی گئی، اس کے ایک جانب گروناناک دیوجی کی عبارت اور ننکانہ صاحب کی عمارت کنندہ ہے جبکہ دوسری جانب چاند ستارہ اور اسلامی جمہوریہ پاکستان کا نام لکھا ہوا ہے۔
سکے پر بابا گرونانک کا سن پیدائش اور وفات کا سال بھی درج ہے۔
