اسلام آباد: حکومت نئے عالمی مالیاتی فنڈ(آئی ایم ایف) کی انتظامیہ اور ایگزیکٹو ڈائریکٹرز کی جانب سے حال ہی میں پاکستانی حکام کے ساتھ 45 کروڑ ڈالر کے طے پانیوالے سمجھوتے کی منظوری سے قبل بجلی کی قیمتوں میں ایک مرتبہ پھر اضافے کا حتمی فیصلہ کرلیا۔
میڈیا رپورٹ کے مطابق فیصلے کے تحت بجلی کی 10 تقسیم کار کمپنیوں کو ہدایت کی گئی کہ وہ 18 پیسے فی یونٹ اضافے سے 17 ارب 20 کروڑ روپے کی اضافی آمدن حاصل کریں۔
نیشنل الیکٹرک پاور ریگولیٹری اتھارٹی (نیپرا) کی جانب سے رواں ماہ کے آخر میں منظوری کے بعد بجلی کی قیمت موجودہ 13روپے 51 پیسے سے بڑھ کر 13 روپے 69 پیسے ہوجائے گی جو جنرل سیلز ٹیکس کے علاوہ ہے۔
