پاکستان تحریک انصاف کے سابق اتحادی اور مظفرگڑھ سے تعلق رکھنے والے سابق رکن قومی اسمبلی جمشید دستی کے گھر پر پولیس کی بھاری نفری نے چھاپہ مارکر بھانجے سمیت دیگر رشتے داروں کو حراست میں لے کر نامعلوم مقام پر منتقل کردیا۔
سابق رکن قومی اسمبلی جمشید دستی نے صحافیوں کو بتایا کہ صبح 3 بجے پولیس نے میرے گھر اور دفتر پرچھاپہ مارا، گھر میں موجود خواتین سے بدتمیزی اور توڑ پھوڑ کی گئی، یہ حکمرانوں اور پولیس کی ریاستی دہشت گردی ہے۔
جمشید دستی نے مزید کہا کہ مولانا فضل الرحمن کے جلسے میں شامل ہونے پر مجھے اور میرے گھر والوں کو انتقامی کارروائی کا نشانہ بنایا جا رہا ہے۔
