مراد سعید کے والد کا چالان کرنے والا ٹریفک پولیس ملازمت سے ہاتھ دھو بیٹھا

سوات: وفاقی وزیر برائے مواصلات مراد سعید کے والد کا چالان کرنے والے ٹریفک پولیس افسر کو ملازمت سے برطرف کردیا گیا۔

تحریک انصاف کے رہنما کے والد نے ٹریفک قوانین کی خلاف ورزی کی تھی جس پر پولیس افسر نے اُن کا چالان کیا، اس بات کی اطلاع جیسے ہی مراد سعید کو ملی انہوں نے پولیس افسر پر برہمی کا اظہار کیا اور پولیس افسر کو برطرف کرنے کے لیے رابطے شروع کیے۔

صوبائی حکومت نے مراد سعید کے رابطے کرنے پر چالان کرنے والے اہلکار کو ڈیوٹی سے برطرف کردیا۔ سماء نیوز نے مراد سعید کے والد سعید اللہ نے 315 روپے کا چالان ہونے کے بعد اہلکار کو تھپڑ بھی مارا، یہ واقعہ جمعرات کو پیش آیا۔

چالان کاٹنے کے ایک گھنٹے بعد ہی اعلیٰ افسران نے ہدایت کے مطابق محمد حیات نامی افسر کو نوکری سے نکلنے کا حکم جاری کیا۔

اپنا تبصرہ بھیجیں: