فواد عالم کی لگاتار 13ویں‌ سنچری، 12 ہزار رنز مکمل

کراچی: پاکستانی کرکٹ بورڈ کی جانب سے مسلسل انداز کیے جانے والے شہر قائد سے تعلق رکھنے والے کرکٹر فواد عالم نے فرسٹ کلاس کرکٹ میں اہم سنگِ میل عبور کرلیا۔

قائد اعظم ٹرافی کے فرسٹ کلاس میچ کے دوران فواد عالم نے لگاتار تیرہویں سنچری اسکور کی اور ساتھ ہی انہوں نے فرسٹ کلاس فارمیٹ میں 12 ہزار رنز مکمل کرنے کا اعزاز اپنے نام کیا، فواد عالم اب تک سب سے کم میچ کھیل کر 12 ہزار رنز بنانے والے کھلاڑی ہیں۔

یاد رہے کہ پاکستان کرکٹ بورڈ اور سلیکشن کمیٹی کی جانب سے گزشتہ کئی سالوں سے فواد عالم کو کارکردگی کا بہانہ بنا کر سائیڈ لائن کیا جارہا ہے مگر وہ اپنی کارکردگی سے ثابت کرتے ہیں اُس کے باوجود بھی سلیکشن کمیٹی کی آنکھوں پر پٹی بندی ہے۔

فواد عالم اپنے سلیکٹ نہ ہونے پر کبھی شکوہ کرتے نظر نہیں آئے اور اُن سے جب بھی پوچھا گیا تو انہوں نے سوال کا جواب دینے سے گریز کیا البتہ جب انضمام الحق سلیکشن کمیٹی کے سربراہ تھے تو انہوں نے فواد عالم کی ناقص کارکردگی کا بتا کر اپنے بھانجے کی سلیکشن کا دفاع کیا تھا۔

فواد عالم کے 12 ہزار رنز مکمل ہونے پر سماجی رابطے کی ویب سائٹ پر صارفین اور شائقین نے انہیں مبارک باد پیش کی اور مستقبل کے لیے نیک خواہشات کا اظہار بھی کیا۔ کچھ صارفین نے پی سی بی سے مطالبہ کیا کہ وہ فواد عالم کے معاملے پر نظر ثانی کریں اور کارکردگی کی بنیاد پر پہلی ترجیح کے طور پر اسکواڈ میں شامل کریں۔

اپنا تبصرہ بھیجیں: